काठमाडौं-श्रीनगर एग्रीटेक इन्डष्ट्रिज लिमिटेडले आजदेखि आईपीओ निष्काशन गरेको छ । स्थानीय र वैदेशिक रोजगारीमा रहेका नेपालीहरूका लागि निष्काशन गरेको आईपीओ बाँडफाँट गरेपछि कम्पनीले सर्वसाधारणका लागि बिक्रीमा ल्याएको हो ।
कम्पनीले जारी पूँजी १ अर्ब ६३ करोड १२ लाख ५० हजार रुपैयाँको २० प्रतिशत ९३२ करोड ६२ लाख ५० हजार रुपैयाँ० बराबरको ३२ लाख ६२ हजार ५०० कित्ता शेयर निष्काशन गर्ने अनुमति पाएको थियो । जसमध्ये १ लाख ६३ हजार १२५ कित्ता साधारण शेयर स्थानीय र ३ लाख ९ हजार ९३८ कित्ता विदेशमा रहेका नेपालीहरूका लागि निष्काशन गरी बाँडफाँट गरिसकेको छ । सामूहिक लगानी कोषहरूका लागि १ लाख ५४ हजार ९६९ कित्ता र १ लाख २३ हजार ९७५ कित्ता शेयर कर्मचारीहरूलाई बाँडफाँट गरिसकेको छ ।
कम्पनीले २५ करोड १० लाख ४९ हजार ३०० रुपैयाँ बराबरको २५ लाख १० हजार ४९३ कित्ता शेयर बिक्रीमा ल्याएको हो । कम्पनीको शेयर सर्वसाधारण लगानीकर्ताहरूका लागि प्रतिकित्ता १०० रुपैयाँ अंकित मूल्य तोकिएको छ ।
निष्काशन तथा बिक्री प्रबन्धक नबिल इम्भेष्टमेन्ट बैंकिङ्ग लिमिटेड रहेको यस कम्पनीको आईपीओमा न्यूनतम १० कित्तादेखि अधिकतममा १० हजार कित्ताका लागि आवेदन दिन सकिने कम्पनीले जनाएको छ ।